خاطرة - حنين الشوق

أريتو كان ريدو الرادو ليك
ريداً بسيط بدايتو كانت
مشاوير خطى العشاق
أريت كان قلبو ما شافك
قبل شوفتك
ما كان نبضه كابد شوق
وبالمحبة فتّح ليك
أوسع الأبواب
دا لما لقاك رحب بيك
وعبر ليك بي دموع
انسابت حنين رقراق
في ريدتو ديك
صبح محتار
من صدّك وهجرانك
وعناد حبه
خلاهو يشتاق ليك
ويسلك درباً صعيب حرّاق

» اشعار التجاني حاج موسي
» خاطرة - خواطر ريد
» خاطرة - ليك حق
» خاطرة - ما يهمك
» خاطرة - نزف الدموع