خاطرة - ما يهمك

ما يهمك

مهما بكيتني يا عذول
الدموع بتفيد شنو؟
ما بتبقى زي
حلم المسافر
متوسد الليل الطويل
يمنّي نفسه بالرجوع
يناجي في عشم الرحيل
***
مشيت فتّك
يا القبيل بتقول
عايزاك صباح
بي حداي
تنوّر العمر كلّو
فنارة نيل
ما يهمك..
حِب العايزو
حب غيري
ما يهمك..
بس يا ريت
تضوي سراج
قريب مني
تكون وهّاج
عشان ريدك
باقي لينا دليل
في الدياجي
تبقى الدمعة
أوقدك شمعة
ضاوية وصاحية
طول الليل
دايراك في سماي قنديل
***
وبعدين لما شفت الغدر
وما لقيت منك إلا الهجر
إنصاف الزمن
عوضني عنك بالعديل

» خاطرة - السراب
» خاطرة - ليك حق
» خاطرة - خد المسن
» خاطرة - في الخاطر
» خاطرة - ضاع الأثر