علاج الكرش

السلام عليكم ورحمة الله وبركاته علاج الكرش من غير ولا قرش كرش وصلعه لزوم الصنعه الصلعه بتقتل حلو الوسامه وحنتكلم عنها مره تانيه بس موضوعنا دلوقتي هو الكرش الكرش ده بقى أخو الصلعه التوأم . بس المره دي الستات والرجاله في الهوا سوا ومفيش حد أحسن من حد . وطبعا الكرش عبئا كبير والتخلص منه مريح ضمن التخلص من أعباء الحياة وكفايه علينا عبأ توفير لقمة العيش واللهث المستمر وراء الحياة يعني مش عايزين أعباء إضافيه . علشان كده عايزين نعلنها سويا دعوه للتحرر . من ذلك الذي نحمله أمامنا أينما ذهبنا فهيا نعود فراشا بكام ياترى؟؟؟؟ ماهي ما فيش حاجه اليومين دول من غير فلوس أبدا من غير ولا مليم تخيلوا !!!!!! بس التمن حاجه تانيه خالص !!!!!!!! التمن إراده التمن إلتزام والأراده طريق السعاده المهم العلاج المجاني ده عباره عن إيه ؟؟؟؟؟؟؟؟؟؟ هنقوله كده عناوين وبعدين نرجع نشرح عنوان عنوان :- 1:- وقايه 2:- مشي 3:- تمارين رياضيه 4:- عوامل أخرى طيب ممكن تفسر حااااااااااااااااااااااااااااضر أنت تأمر ياجميل . أولا :- الوقايه :- الوقايه خير من العلاج مبدأ متفقين عليه أنا أفضل لي 100 مره أتجنب الأسباب قبل حدوث النتائج يبقى الوقايه هنا معناها تجنب الأسباب . أسباب ؟؟؟؟؟؟؟؟؟ هو الكرش ليه أسباب ؟؟؟؟؟؟؟؟؟ أيوه ياسيدي ليه أسباب كتيره ليه أسباب ونص ...... نقولها كده كنقاط علشان ما نطولش عليك يامحترم . 1:- دهون مترسبه في الجدار الأمامي للبطن . أو مترسبه في الأحشاء الداخليه مسببه لكبر حجم المعده والأمعاء وطبعا ترسب الدهون ده سببه نفس أسباب السمنه ( عادات غذائيه خاطئه ) . 2:- عادات غذائيه خاطئه :- الأكثار من الوجبات السكريه والنشويه والدهنيه . الأستعجال في الأكل يؤدي الى إبتلاع الهواء وبالتالي تضخم المعده والأمعاء . كثرة شرب الماء والمشروبات الأخرى أثناء الوجبات . التركيز على تناول وجبه واحده دسمه في اليوم وإهمال باقي الوجبات بهدف التخسيس النوم بعد العشاء مباشره . عدم تنظيم أوقات الوجبات . التغذيه العشوائيه للحامل وعدم ممارسة الرياضه أثناء الحمل وبعد الولاده . 3:- عوامل أخرى :- قلة الحركه والخمول وكثرة النوم والأسترخاء والكسل . التدخين والشيشه تؤدي الى دخول الهواء في المعده . أمراض القولون وتجمع السوائل في التجويف البطني . رفع الأشياء الثقيله بطريقه عشوائيه تؤدي الى هبوط المعده والأمعاء . كبر السن يؤدي الى ضعف العضلات . ضغوط نفسيه أو قلق يؤدي الى التهام كميات كبيره من الطعام . إن كانت هذه الأسباب ، أن تجنبناها ، من أين ينمو الكرش العزيز ؟؟؟؟؟؟؟؟ ثانيا :- المشي أن كان علي أنا نفسي أكتب المشي أولا أو نفسي أكتب المشي ثم المشي ثم المشي ولكن ما باليد حيله اللي عاوز أقوله إن المشي مهم ويمكن من غيره الموضوع كله ما يبقاش جايب همه . ونخلي الكرش مكانه أفضل . طيب ليه مهتم سعادتك بالمشي قوي كده ؟؟؟؟ لأنه مهم أوي ........ مهم أزاي ؟؟؟؟؟؟؟؟؟؟ مهم لإنه بيحرق لحضرتك 300 سعره حراريه في الساعه لو ماشي بسرعه متوسطه ولو مديت الخطاوي حبه هبيقوا 350 سعره حراريه في الساعه الواحده . مهم لإن فائدته بتفضل ممتده لمدة يومين أو أقل حبه لأن العضلات بتفضل منقبضه في الفتره دي والأنقباض ده بيحرق في الدهون . مهم لإنه بيقوي عضلات البطن والفخذين . مهم لأنه بيساعدك في التخلص من الترهلات في منطقة البطن . مهم لأنه بيفيد في علاج المضاعفات الناتجه عن الكرش زي إرتفاع ضغط الدم ونسبة الكوليسترول . يااااااااااااااااااااااااااااااااه قد كده المشي مهم ؟؟؟؟؟؟ لأ ......... ده مش مهم بس ...... ده أفضل دواء مستخدم . إيه ياأفندم ........ أنت بتقول أيه دواءءءءءءء؟؟؟؟؟؟؟؟؟؟؟؟؟؟؟؟؟ أيوه ياسيدي دواء وطالما دواء يبقى لازم له جرعه ومواعيد وطريقه إستخدام ولو ما إتمشاش عليهم هيفقد صلاحيته كدواء . الجرعه :- ساعه في اليوم لأ كثييييييييييييييييييييييييييييييييييييير ......... طيب خلاص معاكم حق لازم الوقت يقل حبه خلاص على الأقل 3 مرات في الأسبوع وأكرر على الأقل . المواعيد :- والمعده فاضيه أفضل وقت بقى في الفجر أو بعد العشاء ب 3 ساعات وبصراحه أنتهزها فرصه وأهمس في أذن أخواني أن يذهبوا لصلاة الفجر مشيا الى مسجد بعيد عن البيت بمسافه كافيه فيبقى كده أتنين في واحد . كل خطوه عليها ثواب ويبقى مشينا رياضه الروح والبدن . طريقة الأستخدام :- بس ياريت قبل ما تقروها ما حدش يقول والله الولد ده عقله فيه حاجه . والله أنا بريء ، أنا بريء ياناس يا هووووووووووو الكلام ده مش بتاعي وما ينوب المخلص إلا تقطيع هدومه . أنا بقول كده لإني أول ماقريت المفروض نمشي إزاي إندهشت وقلت مين اللي حيعمل كده . بس حسيت أن كل كل حاجه ممكن تيجي بالتعود ولو أنا حطيت الطريقه في دماغي يومين تلاته هاتعود عليها . بقى أدخل في الموضوع حااااااااااااااااااااضر آسف طولت عليكم أوي هو في الحقيقه في 6 شروط لإستخدام المشي كدواء . * إمشي إمشي إمشي وما تقفش إلا وانت فعلا حاسس أنك مش قادر تكمل ( يعني مش تمشي خطوتين وتقف تتفرج على الناس الي رايحه واللي جايه وبعدين تمشي تاني علشان تقف بعد خطوتين تشتري ترمس وفول سوداني ) . * وسع الخطاوي كأنك بتجري جري بطيء . * حركة إيدك تبقى عكس حركة رجليك يعني رجليك اليمين قدام تبقى الأيد اليمين بتطوح لوراء والرجل الشمال وراء يبقى الأيد الشمال بتطوح لقدام . * أن ظهرك يكون مفرودا أثناء المشي حتى لا يسبب بروز في منطقة البطن . * أن يلامس مشط القدم الأرض قبل الأصابع والكعب . * أن يكون المشي بصفه منتظمه ويتم زيادة مدته تدريجيا . وبكده يبقى أولا وثانيا إتكلمنا عليهم بالتفصيل الممل جدا وعلشان التفصيل ممل جدا والناس نامت نخلي ثالثا ورابعا بأذن الله نتكلم عليهم في وقت تاني يبقى فاضل لكم في ذمتي ثالثا ورابعا .

مشكووووووووووووووووووووور يا اسماعيل




الله يوفق الجميع على الصبر والحمل الثقيل