خاطرة - أريتو كان

[/center]
أريتو كان..
نسى سيرتها
طوى كتاب الزمان..
شال صفحتها
عَكَس الدرب
طوّل مشاويرو القريبة
اللامة حوالين دنيتها
ما كان بيعرف إنو
عاشق سراب
زولاً وهم
عشانو شال الليل بكاء
واتوسد حنانو ندم
أريتو كان عشق التراب
وشمّ ذراهو مع المطر
أريتو لو عصر الأسى
فجّر دموع قلباً حجر
أريتو كان عشق البحر
إتوسد قيف
لفحو النسيم
نسّاهو كل هم
أريتو كان عرف..
قبل ما كان..
إنو العشق والدهر صنوان
يجود أفراح
زي زخات مطر
والشوق ما بيدور أوقات
يعيش طول العمر
كان أعوام أو ساعات أو شهر
بدون حسبان
ولا بصادف طريقه كدر

إنشاء الله مايصادف طريقو كدر خاطرتك عجييييييييييييبه.

يافوزي كلامي القلتو فيك زمان طلع صاح.

إنت في مقامات أستاذي التيجاني حاج موسى.

» خاطرة - بدون سبب
» خاطرة - ليك حق
» خاطرة - العودة
» خاطرة - أنا المجنون
» خاطرة - مشتاقين