قصه طريفه وواقعيه
يقول ممرض واحد جابوه المستشفى مكسّر جداًجداً جسمو كلو شاش
يحن ويون من الأوجاع اللى فيه وأُذنك ما تسمع إلى الآهات
أنا قلت يمكن حاصل ليهو حادث أو إنو محترق أوأوأو.......إلخ
المهم بدأ وقت الزيارة أنا إستغربت من شيء غريب
كل مايجى يزورو شخص يطلع من عنده ميت من الضحك
جانى الفضول وقلت لاذم أعرف الحكايه شنو
بعد إنتهاء وقت الزياره مشيت بسرعه على غرفته
قلت له أنا أشوف كل البجيك يطلع منك وهو ميت بالضحك ورينى القصه شنو
فال لى طيب أنا ساكن فى شقه فى الدور الثانى
فى أثناء ما أنا نايم ونوم عميق جداً حلمت إنى فى يوم القيامه
وحلمت إنو الناس واقفه صفوف مثل موقف الباصات
فى باصات بتروح الجنّه وباصات بتروح النار
المهم الجماعه بنادو بالأسماء فلان ودفلانه باص الجنّه فلان ودفلانه باص النار
وأول مانادو إسمى بدأقلبى يدق ويدق ويدق إلى باص الجنّه
أووووووووووووووهه الحمدلله أرتحت شديد
ومشيت أدور على الباص المكتوب عليهوإلى الجنّه
طلعت وجلست وبعد فتره تحرك الباص جاتنا لوحه مكتوب عليها ((الجنّه 50كيلو)) ((النار 100كيلو))
وبقيت أعد فى اللوحات وفجأة تعدينا لوحة الجنّه قلت يمكن السواق عاوز يدخل من باب خاص بدخول الباصات
شويه شوفت لوحه مكتوب عليها ((النار15كيلو)) وشويه ((النار 10كيلو))
وكل شويه نقرب من النارياجماعه شنو الحكايه المشكله الناس ساكتين سااااااى
ومافى حد قلقان ذيى فى الباص إلا أنا قلت أسأل السواق
يا إبن العم إنت ماشى وين قال لى ماشى النار ياحبيبى
قلت أنا من أهل الجنّه ليه تودينى النار ياوجه النحس
وإلتفت على وفجأه لقيتو ليك إبليس؟؟؟؟؟؟؟؟؟؟؟؟؟؟؟؟؟؟؟؟
الله يلعنك أنا من أهل الجنّه قبل شويه ندهو إسمى من أهل الجنّه
لاتودينى النار ياملعون وهو يضحك ههههههههههههههههههههههههههههههههه
وقف ياملعون عاوز أنزل قالى الباص مبرمج لا يوقف إلا فى النار
عاوز تنزل أقفز منه مشيت على الباب وووووووووب قفزت
وما وعيت إلا فى المستشفى قافز من البلكونه فى الحوش
القصّه حقيقيه حصلت لواحد فى إحدى الدول العربيه
هذه فعايل إبليس فى النوم أرجوكم أخوانى أن تتعوذوا قبل النوم
أستغفر اللهى العظيم اللهم لاشماته بس جد الموضوع مضحك
موضوع: مريض بالمستشفى كل ما يطلع أحد من عنده يضحك 
الخميس 12 أغسطس - 21:28
