نكتة زوج مافيهو أمل للرومانسيه

حلوة جداً يا أبو آية..
لكن الزول دا ليهو حق!! طالما كل يوم بالصباح الواحد قشة عينو من النوم.. بيغلفوا ليهو ورقة ملطّعة بالزيت.. مكتوب عليها الحاجات اليومية.. دايرين بصل.. وشطة وقاعون للوليدات.. وما شابه... أما طريقة الصّحّية.. فحدّث ولا حرج.. أجارك الله.. الخشم ملوي.. والشعرات قائمات خايفات من الروسية..والخشم بدل بسمة رِقيقة.. مليان أم رقيقة (ريالة).. كمان معاها تكشيرة...
تخيّل منظر زي دا كل يوم بالصباح.. حتى كان جابو ليهو هدية حقيقية.. وقلّبها وتأكد منها مية المية.. يقدر يحركها من محلها؟؟!!!

دا تحليل بسيط لما يحدث للراجل المسكين دا.. ومن هذا المنبر.. بانصح الزول دا.. ما ينوم وراسو كاشف.. لازم يحميهو بأكواعو وينوم نومة ""القرفصاء".. أي مكرفس.. بحيث لو جاتو بونية على خفيف.. أو لكدة على الماشي.. أو ما شابه.. يكون وشّو المليان تعابير محمي من الكدمات المتوقعة..

الزعل مرفوع أيام رمضان.. يا أخواتنا وبناتنا...

وكل أيام رمضان.. وانتو طيبين...