خاطرة - الدويم أمنا

إهداء إلى كل أهلنا الطيبين بالدويم.. وإهداء خاص للأخ العزيز أبو بكر عمر البشرى

الدويم أمنا

لحظة من لحظات لقاك
تعني الكثير
تمسح دموع إنسان
ترجّع للعمر أزمان
وسعادة الدنيا تبقى معاك
وسط الأهل
جلسة بريئة
مع الحلوين
مظللين بسحب سماك
يتحكروا في حجرك
معطرين بنسائم فاك
وريحة الطرور نافحانهم
والماعونة والأسماك
وفي حِلّتهم..
جارتهم.. تكورك
هوي يا جناي
مالك واقف هناك براك
تعال بي جاي
تعال أقعد قريب بحداي
وانتي يا المقصوفة
ما شايفة أخوانك؟؟
قومي سوي ليهم شاي
الدويم.. يا أمنا
الوداعة الفيكي
بتظلّنا..
مشتاق ليك
متين الغربة تلمنا
متين نتلاقى
متين ألقاك

قريب إنشاء الله التحيه ليك الأخ العزيز فوزى وحقيقه قصيدة رائعه ونتمنى من ربنا العلي القديرأن يجمع شملنا جميعاً وننتظر منك مزيد من الإبداع

» خاطرة - جنائن الدويم
» خاطرة - ليك حق
» خاطرة - الصباح
» خاطرة - بدون سبب
» خاطرة - نزف الدموع