ابتسم من فضلك

مسطول ودوهو الخلوه .. اخر اليوم سألوهو اها الشيخ اداكم شنو ؟ قال ليهم هو زاتو ما متأكد مرات يقول القارعة مرات يقول ما القارعة

[right]

قال ليك ادروب عينوهو وزير تربية وتعليم ... عمك مسطح جدا .. فقالو ليه النظام انو نسمي المدارس باسماء الصحابة يعني مدارس الاولاد خالد بن الوليد - ابوعبيدة بن الجراح - مصعب بن عمير ... الخ ومدارس البنات نسيبة بن كعب - خولة بنت الازور - خديجة بنت خويلد .... الخ اها الحبيب جابو ليهو مدرسة مختلطة ... وسألوه .. رايك شنو يا ادروب نسميها شنو المدرسة دي ؟؟ عمك مسطح طبعا وعامل فيها ناقش .. رد على طول وقال ليهم :طبيعي نسميها عيسى بن مريم

[right]

عيان مشى الدكتور الدكتور قعد يحذر فيهو من اعراض ضغط الدم ما تأكل لحمه سمينه وكبده نيه والبيض المقلي والمسلوق ولا السمنه البلدية وابعد عن الزبادي والجبنه المضفرة و...!! العيان قاليهو ها آزول اقيف ها... انا لو بأكل جنس ده... اكان جيتك؟

[right]

حرامي قال لي ولدو عملت شنو في الامتحان؟؟ قال ليه اطمن يا ابوي ساعتين بستجوبو فيني ما قلت ليهم ولا كلمة

[right]

جراح مسطول دخل للعملية لقى المريض مخدر قال ليه من اسه عملت فيها ميت؟؟

[right]

[right]

مسطول بخت كبايتين جمبو وحده فاضيه والتانيه ملانه مويه قال عشان يمكن يشرب ويمكن ما يشرب

[right]
[right]

ومسطول سالوه الفرق بين زمان وهسي شنو؟ قال ليهم زمان لما يجيبو الاكل الناس تقول بسم الله وتبدأ وفي النهايه تقول الحمد لله هسي لما يجيبو الاكل الناس تقول الحمد لله الاكل جا ولما تنتهي تقول بسم الله كمل

[right]

جعلي راكب حماره في الخلا .. دخل في كومة قش طارت منها (فرة) خلعت الجعلي لغاية ما وقع من الحماره اتلفت يمين وشمال ما شاف زول قال والله لو دا شايقي كان مات عديل

[right]

اتنين مساطيل قاعدن تحت نخله بالليل. الاول,انا نفسي في بلح,التاني ,لاكين نطلع ليو كيف؟.الاول بولع ليك نور البطاريه,وانت اتشعبط فيو لحدي ماتصل السبيطه,التاني,بالله عشان تطفيو واجي واقع.

[right]

شايقي قالوا ليهو اتبرع عاوزين نعمل سور للمقابر قال لهم ما حصل سمعت ميت شرد

[right]

ادروب سألو تمش الجنة والا النار قال ليهم الشوايقة ماشين وين ؟؟ قالو ليهو ماشين النار قال خلا بامش معاهم النار يا ادروب الكلام ده كيييف بس قال ليهم الشوايقة ديل ما بمشو حتة الا يكون فيها كّدة والا منفعة

[right]

ناس العريس ماشين يجيبو العروس ما لقو دلوكة ، سالو جارهم السكران "ماعندك باقة نجيب بيها العروس؟"" قال ليهم ما عندي لكن ما ممكن تجيبوها في كيس؟؟

[right]

شايقي داخل يزور امو في المستشفي لقي مكتوب على الباب (إدفع) قال اخير اشوفها في البيت

[right]

اتنين مساطيل في موقف المواصلات بتفرجو في حافلة والناس بتدافروا عشان يخشو فيها !!! الاول: الناس دي كل يوم بتتشاكل عشان ترجع لبيوتها !!! التاني محتاااار: والغريبة تاني يوم بجو راجعين تااني