الحب احساس جميل يتفق عليه جميع الناس من جميع المستويات ماديه ثقافية اجتماعية تعليمية وحتي دينية حاجه كدا حلاوتها بتجي بدون اختيار دون ان تشعر بعكس الخطوبةالتي تخضع لفحص دقيق جدا ممكن تحب زول وهو مايكون عارف ومرات مطنش مرات فى زول بحبك وانت ماعارف ومرات ناس بتحب بعض كدا بدون اي سبب المهم انو السعاده مع الحبيب شي تاني اهم حاجة إ نوإعرفك علي طبيعتك ومن غير تكلف بعض الناس يحاول ان يظهر بمظهر اخر غير شخصية الحقيقة عشان إعجب المحبوب الكلام غير الكلام الاخلاق غير الاخلاق وحتى طريقة الضحك والمجاملة فى اي شي ويكون التبرير عادي مافي مشكلة انا زول متحضر مامهم مابيناتنا والنوع دا من الحب بنتهى في اول عقبة في طريق الحياة لانه لابد ان ياتي يوم تظهر فيه حاجاتك الطبيعية عندها سوف يحس ان مشاعرك نحوة قد تغيرت او انك تحب شخص اخر وتريد مغادرة قارب حبكم قبل الوصول للضفة وينهدم بنيان الأمل وتكون جاني والمحبوب ضحيه ومبرر المحبوب انك تغيرت وهو لايعلم ان الشخصيه التي اصبحت غير مقبوله له هي شخصيتك الحقيقية وعشان تعيش الحب الجميل اهم حاجه البساطه مامهم لو ظهرت عيوبك او نواقصك مافي زول كامل المهم يعجب بيك كدا بى سلبياتك قبل ايجابياتك عشان اعرف انك بتضايق من شنو بتفرح كيف وعشان شنو اعرف اناقشك كيف ومتين واقيف عن ياتو حد بي بساطة حتكون احلي قصة واجمل ريده لانها مبنيه علي الصدق والصراحة ومن غير تعب تصبح الحبيب المثالي البيبحث عنه كل الناس ......
حاجة اخيرة الكلام لو ما حسيتو وماطالع من دواخلك احسن منه الصمت
موضوع: البحث عن الحبيب المثالي 
الأحد 15 نوفمبر - 3:00
