أدخل علي المنتدى حق الفكاهة ده لوقلبك قوي

أحبتي كيف قيلتوا وكيف أمسيتو وكيف أصبحتوا

أحبتي الليله عاوزين نتونس شويه رايكم شنو

عاوز من كل واحد فيكم يحكي عن أصعب موقف محرج مرى به في حياته

وفي نفس الوقت يكون الموقف مضحك أو كان القصد منه المزاح وحصل فيه إحراج

أها مين فيكم يفتح الباب منتظر وأظل منتظر حتى يدخل فيكم واحد ويدق قلبوا ويقول أخوكم هنا

في إحدى الجلسات الأسرية.. حكى ابني مصطفى عن بعض من ما صادفه في المدرسة من صعوبات في فهم "هرجة" المدرسين وزملائه في بداية التحاقه بها.. وبدأت أحكي لهم عن ذكرياتي في بخت الرضا "الأولية".. وكيف كنا نبني "قطاطي صغيرة من فروع الأشجار اليابسة" في الجزء الجنوبي جنب الفصول وقريب للحواشات... وكنا نمشي المسافة الطويلة بين المدرسة والدويم في أيام الخريف... وكيف أنني "لمن كنت صغير كنت..." وقبل أن أكمل حديثي فاجئني مصطفى بسؤال: إنت كنت صغير يا أبوي؟؟!!!

كان ذلك من مدة.. وما زلنا ماكسينها ليهو... هو إنت كنت سغّير؟؟!!

مشكوووووووووووووور أخي فوزي عبدالقادر لك التحيه كونك دقيت سدرك ونزلت أول واحد نزلت هنا

مرة كانت ظهرت رسايل طريفه شويه ولكن بدايتها في الكلام صعبه تلفت الإنتباه

منها رساله بتقول

إتصل أنا في مشكله

..

,,

,,,

....

’’’’

قلبي وعقلي إختلفوا فيك واحد يحبك وواحد يموت فيك

طبعاً الرساله أولها كلمه وبعدها تفتح تفتح تفتح حتى تلقى الكلام الأخير الذي يبين باقي الرساله

طبعاً الخفه ماخلتني قمت رسلتها لي محمد أخوي الوقت داك كنا شغالين مع بعض في الخرطوم

والدوام واحد بنطلع مع بعض بس هو تأخر مني عشان المواصلات

وفجأه وصلتوا الرساله وتعال شوف بقى يتصل علي وماقادر أرد عليهم من الضحك

إتصل كثير جداً وجا في البيت مستأجر تاكسي يرجف ومرة يبكي وحالتو صعبه شديد

في الوقت دا أدركت إني أخطأت بهذه الرساله وإتحرجت جنس إحراج لاحول ولاقوة إلا بالله

لليوم ماقادر أنسى الموقف داك يمكن كان إسبوع بي حالوا زعلان مني بعد ماعرف الحقيقه

وأخوكم أبوآيه لليوم زعلان من نفسوا كيف عمل المقلب داك وكيف أصلاً فكر فيهو

» من الفكاهة
» أدخل وبر أمك بدعاء ولا تبخل عليهابالرحمة
» كيف تكون سعيداً أدخل وشوف
» نكته أفعى جميله جداً أدخل سرييييييييييييييييع
» تعارف لاعضاء المنتدي فقط