الزمن عايز كده

كلمات الشاعرة الواعده شذى أحمدعثمان

طفــله صغيرة

بتبـكي علي الرصيف..

كـــايسه الفرح..

متـــصبرا....

وحاجه تتــألم

تــخبز في رغيف..

ضاغــطه الجرح ..

اللســـع مابرا....

تلمــلم حق الفطــور!

حق الايجـــار..!

في زمن

عِــرس الســـرور..!

.......

دايـــره

حق شيلــة الولــد!

الولــد...الولد..؟

يـــا ولد!!

جبــت الضــغط ..

دي الدنيا ماشة بالغلط..

ناس واقفه

صفــوف صفـــوف

خايفه العيد يصل

قبل الخـــــروف

بتسرح لو جاتا

بس

سيرة الظــروف..

في الزمن

الأبو يبيــع بــتو

بـــدون ضمير..

للعندو أكتر

وماهمو

صغيراً أو كبير

يقـــول

يابتي ضُــل راجلا ًأخير لِك...

من ضُـــل الحصير!!!

دا الزمن عايز كده..

والجروح بقت

مــتجدده..

يادنيا ليه بس كده؟

خـــليك حنينه

..مـــاتتعبينا..

بس أعفي لينا!

مابتعزرينا؟

مـــتأكده؟

مشكووووووووووووور أخي المكرم أبو آية على اختيارك الموفق للقصيدة الرائعة...

تحياتى ابوايه واستاذ فوزى
اختيار موفق
لكنى اعترض فى الواقع على تداولنا عباره ضل راجل ولا ضل حيطه

الكريمة المكرمة كوثر

كانت هذه العبارة تقال كتصريفة فقط.. لكن حسب ما شاهدته في زيارتي الأخيرة .. فقد أصبحت تحمل فعلاً معناها.. نظراً لعدم اكتراث الشاب بتأسيس بيت خاص به.. وطبعاً دا استنتاج.. قد يكون خاطئ..

لكم التحيه أخواني على مروركم على الأبيات

فوزي وكوثرمشكورين

شكرا ابواية على القصيدة الرائعة

» نكات من الزمن الجميل