طرائف من الدويم

بمناسبة قرب اختفاء البنطون وبعد أن زالت الحمير تقريباً (الله يقطع الرقشة)
كنا بنتفرج في مباراة أحد طرفيها نادي النيل وبعدين الحكم طرد يوسف عبدالله وزولك أبى يطلع كلكله يجروه تلاتة من زملاه يفلت ويجي راجع وكان رزق الله الجترة قاعد فوق في حيطة اللوج قام قال (حمار أبى بنطون) !!!!!

برضه كنا في نادي الأشبال وتمبال وود المحينة لاعبين تنس طاولة قام حاج الطاهر قال أنا ماشي الطيب عوض ريد أتعشا . ودالمحينة قال ليه جيب لي معاك سندوتش
رد عليه حاج الطاهر (يسندوك للطراش) !!!!!

وايام الجاهلية زمن بيلعبو الحريق يالقروش في النادي كان في واحد لاعب وبعدين منتظره علي حسن أخو ناس الدكيم وقلق وزهجان جداااااً من الانتظار
بس الراجل حرق وقام قال لعلي حسن والله نزولي في إيدي قام علي بغيظ قال ليه جنيهك زاته كان في جيبك.

النكتة دي أنا قبل كدة كتبتها في منتدى ما متذكره
المهم .... شلة من أعمامنا الله يرحم موتاهم ويمتع أحيائهم بالصحة ويتوب علينا وعليهم ..كانوا بشربوا في مريسة في شندي فوق ورا بيوتنا .. بعدين تمباكهم (صعوتهم) كمل فأرسلوا واحد مع المغربية كدة يجيب ليهم تمباك
الراجل ما طول كتير وجاهم نفسه قايم وبدون تمباك .. قالوا ليه وين التمباك ؟؟؟؟؟؟؟؟؟؟؟؟؟
رد عليهم .. تمباك شنو أنا لقيت بابور البحر في السوق (عمنا شاف مبنى توتو كورة) ... طبعاً قدام بار المحبة..

النكتة دي أنا قبل كدة كتبتها في منتدى ما متذكره
المهم .... شلة من أعمامنا الله يرحم موتاهم ويمتع أحيائهم بالصحة ويتوب علينا وعليهم ..كانوا بشربوا في مريسة في شندي فوق ورا بيوتنا .. بعدين تمباكهم (صعوتهم) كمل فأرسلوا واحد مع المغربية كدة يجيب ليهم تمباك
الراجل ما طول كتير وجاهم نفسه قايم وبدون تمباك .. قالوا ليه وين التمباك ؟؟؟؟؟؟؟؟؟؟؟؟؟
رد عليهم .. تمباك شنو أنا لقيت بابور البحر في السوق (عمنا شاف مبنى توتو كورة) ... طبعاً قدام بار المحبة..

برضه مرة في رمضان كانوا فاطرين معاي محمد سنادة وعادل حدقنو (أيامهم الفي التعاون) بعدين قاموا يصلوا المغرب محمد سنادة إمام لما رفع من الركوع قال ربنا ولك الحمد قام حدقنو قال ليه هسي أنا أقول شنو وكلنا قعدنا نضحك وهم أعادوا الصلاة

الأخوان الأعزاء

والله حكاوي ونكات الدويم كتيرة.. وبمناسبة عمنا الطيب عوض ريد - رحمه الله تعالى وطيّب ثراه - حصلت لي معاهو قصة طريفة..

مرة.. قبل المغرب.. طلعت من بيتنا ماشي السوق باتجاه السينما القديمة.. وعند الـ U turn جنب صيدلية عبد السلام.. كان عمنا الطيب سايق سيارته.. التكسي.. وكوركت ليهو.. إزيك يا الطيب.. وينك الزمن دا.. لي زمن ما شفتك؟؟.. فرد عليّ ببديهته المعهودة.. "والله كان عندنا جرد في الدكان.. جردناهو فولة.. فولة".

ألا رحمة الله على الأموات من أهلنا.. كان ليهم طعم خاص...

بعد سنة من فرض الرئيس الأسبق نميري لقوانين الشريعة عاد الأستاذ حسن الزبال للسودان من عمان ولقى الدنيا متغيرة ولقى أبكر بتاع البار ببيع بطيخ في الملجة وسلم عليه سلام حار وبعدين قام قال ليه عايز لي بطيختين قام أبكر عزل ليه بطيختين سمحات قام حسن الزبال قال ليه عليك الله لفَّهم لي يا أبكر.
كسرة: في مفردات هنا إلا يشرحوها ليكم العجايز

كنا في الوسطى شغالين طُلب (عمال بناء) أنا وعلي عوض قاسم ومعانا جنوبي اسمه جمعه خمسين
آخر اليوم عمك عوض قطان (رحمة الله عليه) بيسجل اليوميات فنسى اسم الجنوبي وقام سأله قال ليه قلت لي اسمك جمعه كم؟؟؟؟

وجاء مدير مدرسة ابتدائية معروف لفضل الله جقدول في البرش بتاعهم والراجل فرحان قال لفضل الله مدرستي جات الأولى فضل الله قال ليه الحالة ما فيها ناظر.