القدم كان ليهو رافع ؟؟؟؟؟؟؟؟؟؟؟

القدم كان ليهو رافع
قاسي فرقك يوم أوادع
لو فضل في العمر ثانيه
تاني لابد ليكي أرجع .. تاني راجع يا بلادي
إن نسيت ماب أنسي مَره
كيف فى بعدك ضقت مُره
كان إخير لى أقعد هناك
أعيش ولو بى كسري مرة .. تبقي حلوى في بلادي
عشت يوت فى الغربة أمنح
أبكى طول الليل وأنوح
كل ساعه أتمنى أرجع
أمشي أشد رحلي وأروُح .. أمشي أروُح لى بلادي
شان اشوف دار الأحبه
إصطفاها القلب وحب
فيها إترعرع تربي
بين حنان خلانو شب .. شب عاشقك يا بلادي
إن عطش يسقيهو نيلك
أكلو من ثمرات نخيلك
ياحلاتك ويا حليلك
والقمر يوصف في ليلك .. وين مثيلك يا بلادي
يا حبيبه تعالي شوفي
شوفي كيف حالى وظروفي
شوقي نار توقد في جوفي
حار على فراق ولوفي .. خوفي تنسي يا بلادي
خوفي تنسي حنان وليدك
فاكري إنو مرق من إيدك
راح جفاك واختار سواك
وقلبو تب ما عاد يريدك .. حاشا حاشاى يا بلادي
إنت لى عيني نورا
بهجة الروح كل سرورا
جنّتي الغنت طيورا
زهرتي الفاحت عطورا .. والفؤاد عابدك عبادي

$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$
الرائع دوماً @@ السر عثمان الطيب @@