اعادة ضبط المصنع

ياربى دا منو ولاقيتو وين وهل تجمعنى بة صلة رحم ام معرفة ام زمالة دراسة كلها اسئلة تنقل بك من مرحلة الدهشة الى الأستقراب واخيرا الى مرحلة العبط لان فى اثناء تاملك هذا يكون الشخص المعنى واقفا منتظر منك ان تبادلة التحية ويبدا الأحراج من هنا حين يسلم عليك باسمك وانت لاتعرف الشى الذى جمعك بة اصلا ثم يبادر انتى ماعرفتنى ولاشنو لانة من النوع الذى حباة اللة بزاكرة اوبن قيقا ولاكن ما ان يبدا يسأل عن بعض الأشخاص حتى ترجع لك تلك الأشياء واحدة تلو الأخرى دا نوع ............................. النوع التانى تلتقى احدهم برفقة اخر فيتراشق الأخير الزول دا عرفتو فتخاول المجاملة كيف ياخى طبعا ياتيك بالصاعقة اها دا منو تحاول مرة اخرى التملص بس الفترة طالت لاكن شكلو ماغريب على يتدخل مرة اخرى بيشبة منو فى اولاد عمك فلان او اى اسرة من الاسر الدويمية الشهيرية حتى انها يتصور للشخص المعنى بانك مفترى تتجاهل الناس اويخيل الية انك لايهمك انت تعرفة نتيجة لتغير شكل وجهك من اسئلة هذا الشخص دا نوع تانى .......................................................... النوع الثالث هوتاكد الشخص من انك تعرفة لامحالة يلقاك ويسلم عليك واجرمعاك عشرة ونسة وناس الدويم كيف والأخبار وبعد ذلك يحملك امانة السلام كان لقيت فلان سلم علية ودى خفيفة ممكن الزول اتصرف توصفة بعد توصيل السلام المهم بتتصرف ولكن المحرجة جد وجد الجد تلتقى باحدهم فى الميناء البرى وبعد التحية يدخل يدة فى جيبة ويخرج ظرف قد كتب علية هام وعاجل ويقول ليك وصل الأمانة دى لناس البيت وتضيع عليك فوائد السفر الخمسة وانت الى البنطون تفكر اوديهو وين ياربى.............. اخوتى يجب مراعاة الفوراق السنية فاحدهم يهاجر لعشرة اوعشرين عام ثم يعود معتقد ان كل الناس تعرفة وايضا يجب مراعاة مايفعلة الزمن من تغيرات مورفلوجية واخير فايروسات الحياة وماتفعلة بزواكر الناس التى من ضغوط الحياة اصبحت لاتحتاج الى فرمطة بل اعادة ضبط المصنع عديل.............

دى حلوة شديد يادكتور عجبتنى بالجد