منتديات ابناء الدويم
عزيزي الزائر / عزيزتي الزائرة يرجي التكرم بتسجبل الدخول اذا كنت عضو معنا
او التسجيل ان لم تكن عضو وترغب في الانضمام الي اسرة الواحة
سنتشرف بتسجيلك
شكرا
ادارة الواحة


منتديات ابناء الدويم

واحة ابناء الدويم
 
الرئيسيةالتسجيلدخول

شاطر | 
 

 الفرق بين الرجل العربى والغربى فى معاملة المراة

اذهب الى الأسفل 
كاتب الموضوعرسالة
سميه قطبي سالم محمد
دويمابي برتبة نقيب
دويمابي برتبة نقيب
avatar

عدد الرسائل : 508

مُساهمةموضوع: الفرق بين الرجل العربى والغربى فى معاملة المراة   الثلاثاء 17 مايو - 17:06

ل

طبعا اخوانى ,ابنائى وبناتى فى هذ ا المنتدى يمكن يختلف شوية واقع الحال فى السودان

فرق بين تعامل الرجل الغربي والرجل العربي مع الزوجة

مواصفات الرجل في شريكة حياته ..

الرجل الغربي يريدها مثقفه.. واعية.. ناضجه.. متفهمه.. ينسجم معها
الرجل العربي يريدها جميله .. طويله.. بيضا.. شعرها طويل وناعم

اذا اراد الرجل التقرب من امراه ..
الرجل الغربي.. يبين لها انه مثقف ويحترم ويقدر المرأه
الرجل العربي يبين لها انه انسان خبرة ويعرف عشرين بنت غيرها

اذا تحدثت امرأه غريبه لرجل ماذا يلفت انتباهه
الرجل الغربي.. ينظر الى عقليتها وطريقة تفكيرها واسلوبها
الرجل العربي ينظر الى جسمها وشكلها

متى يقول الرجل احبك لزوجته
الرجل الغربي .. في الصباح وعند الخروج من المنزل وعند الاكل وقبل النوم
الرجل العربي في اول يوم زواج ويجيبلها ورقه توقع عليها انه قالها وكل ماقالتله انت ماتقوللي كلام حلو يطلعلها الورقه ويقول تنكرين ؟
كيف يتعامل الرجل مع زوجته وهم بالسياره
الرجل الغربي . يمسك يدها بحنان وينظر اليها بين فتره وفتره ويبتسم لها ويضحك معها
الرجل العربي يتكلم بالجوال ويناظر الفرامل يفكر يفرمل بقوه عشان يخبط راسها بالقزاز

اذا زعلت الزوجه و زوجها حب يراضيها
الرجل الغربي . يحضر لها باقة ورد.. او يعزمها بمطعم
الرجل العربي يقول لها باعلى صوته.. انتي وبعدين معك كل يوم زعل زعل ويجي يدفشها مع كتفها وهو معصب ويقول خلاص انتى حرة

اذاتحدثت المرأه بالتجارة .. أو بكرة القدم او بالعمل
الرجل الغربي .. ياخذ ويعطي معها بالكلام ويناقشها
الرجل العربي وانتي ايش فهمك في الحاجات دي انتي قاعده تتفلسفي فيها سيبي المواضيع للرجال

اذا تغدا الرجل في المنزل وانتهى من غداه
الرجل الغربى ..يلم الاطباق مع زوجته ويغسلها معاها كمان
الرجل العربي يتمدد على الكنبه ويقوللها جيبيلي الشاى بسرعه

اذا دخل الرجل على زوجته وهي تشتغل في البيت
الرجل الغربي يقبل رأسها ويقول لها ارتاحي قليلا ويكمل هو باقي الشغل
الرجل العربي انتي للدلوقتى ماخلصتيش خلاص انا هانزل لحد ما تخلصي وارجع

منقول
الرجوع الى أعلى الصفحة اذهب الى الأسفل
ودمبروكه
دويمابي برتبة ملازم أول
دويمابي برتبة ملازم أول
avatar

عدد الرسائل : 343

مُساهمةموضوع: رد: الفرق بين الرجل العربى والغربى فى معاملة المراة   الثلاثاء 17 مايو - 17:35

السلام عليكم دكتوره سميه

انا وجهة نظرى الشخصيه من غير تحيز وبا اعتبارى انا ماصاحب تجربه بفتكر انو المراه الغربيه هى بتلعب دور بنسبة 75 فى الميه من تطبيع وتكيف وضع قالب الرجل بحيث ماهى تريد ان يكون
وبعدين فى حكمه بتقول عامل الناس كما تحب ان تعامل

والله امكن كلامى يكون وجهة نظر لاتضمن الحقيقه فاليكون الموضوع مفتوح للنقاش حتى نتوصل الى حقيقة الامر

ونرى وجه نظر الاخو ه وبالاخص راى اخى وحبيبى ود يوسف باعتباره خبره من خلال اطروحاته ومواضيعه السابقه

فالنستقبل اطروحاتكم واراكم على هذا البوست دعوه الى الحوار

واحــــــــــــــــــــــــــــــــــــــــــة أبناء الدويم
[size=21][b][/size][/b]
الرجوع الى أعلى الصفحة اذهب الى الأسفل
سميه قطبي سالم محمد
دويمابي برتبة نقيب
دويمابي برتبة نقيب
avatar

عدد الرسائل : 508

مُساهمةموضوع: رد   الثلاثاء 17 مايو - 19:28

شكرا ابنى ودمبروكة على المرور اكيد ابننا محمد يوسف حيدينا فتوة عظيمة فى هذا الموضوع
الرجوع الى أعلى الصفحة اذهب الى الأسفل
ودمبروكه
دويمابي برتبة ملازم أول
دويمابي برتبة ملازم أول
avatar

عدد الرسائل : 343

مُساهمةموضوع: رد: الفرق بين الرجل العربى والغربى فى معاملة المراة   الثلاثاء 17 مايو - 19:38

فى انتظــــــــــــــــــــــــــــــــــــــــــــــــــــارك محمد يوسف

واحــــــــــــــــــــــــــــــــــــــــــة أبناء الدويم
[size=21][b][/size][/b]
الرجوع الى أعلى الصفحة اذهب الى الأسفل
فوزي عبد القادر موسى عبد
دويمابي برتبة لواء
avatar

عدد الرسائل : 2478

مُساهمةموضوع: رد: الفرق بين الرجل العربى والغربى فى معاملة المراة   الثلاثاء 17 مايو - 22:54


معليش يا جماعة.. قبل دخول أخوي محمد.. عندي تعريجة بسيطة..

واقعنا دا مش بيختلف شوية.. دا بيختلف توتالي... يلا ندخل سوا نشوف الفرق بين.. العربي وزولنا.. ود بلدنا..


فرق بين تعامل الرجل العربي والزول ود البلد مع الزوجة


مواصفات الرجل في شريكة حياته:
الرجل العربي يريدها جميله .. طويله.. بيضا.. شعرها طويل وناعم.
ود البلد دايرها لونها أخدر فاتح.. مربوعة مليانة شوية.. شعرها مفرود والدقداق فيهو مش كتير.

اذا اراد الرجل التقرب من امراه :
الرجل العربي يبين لها انه انسان خبرة ويعرف عشرين بنت غيرها.
ود البلد يوريها إنو واقع من السما سبع مرات.. وما كتّر في الدنيا دي غير النسوان.. وحواء والدة.

اذا تحدثت امرأه غريبه لرجل ماذا يلفت انتباهه:
الرجل العربي ينظر الى جسمها وشكلها.

ود البلد بترجف ويتجهجه ويخاف مرتو تشوفو.

متى يقول الرجل احبك لزوجته
الرجل العربي في اول يوم زواج ويجيبلها ورقه توقع عليها انه قالها وكل ماقالتله انت ماتقوللي كلام حلو يطلعلها الورقه ويقول تنكرين ؟

ود البلد بيديها العين الحمرا.. ويقول ليها: هوي يا زولة إنتي.. أنحنا بنتكلم كلام رجال! ما عندنا حكاية باحبك.. والكلام العواليق دا!.

كيف يتعامل الرجل مع زوجته وهم بالسياره:
الرجل العربي يتكلم بالجوال ويناظر الفرامل يفكر يفرمل بقوه عشان يخبط راسها بالقزاز.

ود البلد بيحمّر ليها.. ويديها نهرة قوية.. ويقول ليها: هوووي.. اركبي وامسكي قوي.. وبيحاول يطوطحها يمين شمال.. خاصة في الدقداق.. عشان تقع وتتدرش... وطبعاً صارّي بوزو ومكنكش في الدركسون وعيونو قدّام.. أصلو ما بيعاين ليها.

اذا زعلت الزوجه و زوجها حب يراضيها:
الرجل العربي يقول لها باعلى صوته.. انتي وبعدين معك كل يوم زعل زعل ويجي يدفشها مع كتفها وهو معصب ويقول خلاص انتى حرة.

ود البلد.. يحضّر ليها أم دلدوم قوي.. دا كان ما ساقها لي بيت أهلها عدييييييييييل.. وبملء شدقيه وشلاليفو كمان.. يقول ليها.. إنتي طلقانة.

اذاتحدثت المرأه بالتجارة .. أو بكرة القدم او بالعمل:
الرجل العربي وانتي ايش فهمك في الحاجات دي انتي قاعده تتفلسفي فيها سيبي المواضيع للرجال.

ود البلد يخلي مرتو تتفاهم معاهو في شغلات السوق.. واللا الكورة؟؟!! دا موضوع تاني خالص.. إنتو عايزين يقول عليها مَرَة أم حُمّد ولد.. وحشرية؟؟؟

اذا تغدا الرجل في المنزل وانتهى من غداه:
الرجل العربي يتمدد على الكنبه ويقوللها جيبيلي الشاى بسرعه.

ود البلد بيدفر الصينية بي كرعينو.. وياخد ليهو ترّيعة قوية.. يسمعها الماشّي في آخر الشارع.. وكلّو محصّل بعضه.. يقول ليها هوي إنتي.. جيبي الموية والشاي.. وتعالي شيلي الصينية دي.

اذا دخل الرجل على زوجته وهي تشتغل في البيت:
الرجل العربي انتي للدلوقتى ماخلصتيش خلاص انا هانزل لحد ما تخلصي وارجع.
ود البلد هو زاتو ما بيشتغل بيها.. أهم شي عندو يلقى العنقريب واللا السرير مفرش وجاهز.. وديك يا نومة...
دا [
color=brown]واقعنا.. أرجو أن يكون عجبكم... مع خالص التحية والود أخوة المنتدى...[/color]

واحــــــــــــــــــــــــــــــــــــــــــة أبناء الدويم












فوزي عبد القادر موسى عبد القادر



الرجوع الى أعلى الصفحة اذهب الى الأسفل
ودمبروكه
دويمابي برتبة ملازم أول
دويمابي برتبة ملازم أول
avatar

عدد الرسائل : 343

مُساهمةموضوع: رد: الفرق بين الرجل العربى والغربى فى معاملة المراة   الثلاثاء 17 مايو - 23:14

والله كان كدى لكل مقام مقال ولكل طبقه او كل مجتمع عندو اساليبه وطبايعو النشا عليه

افتكر انو ودالبلد ده لقه امو بيعاملوه بنفس الاسلوب عشان كدا (هذا ما الفينا عليه ابانا

والانسان ابن بيته مااظن فى زول بحاويل انتهج نهج جديد الا يكون واحد من الطرفين ما من البيه

ذى ماتقول غريبه كده امكن التعامل يختلف وبعدين عدم التعليم مشكله

لو رجعنا فى السيره النبويه قبل الاف السنين قبل التكنولجيا والثقافه والعولمه بنلقى الرسول عليه افضل الصلاة والسلام عندو نهج خاص فى الحيه الزوجيه ملى بالموده والرحمه والحكمه فى التعامل حتى السلف الصالح كان يعلمهم كيف تكون الحياه الزوجيه وكيفية التعامل مع المراه
ومن هذا الحديث اريد ان اوضح شى انو التعامل الزوق مع النسا انتهجو حبيبنا المصطفى قبل الغرب يعنى الرجل العربى الهاشمى الامى محمد بن عبدالله قد سبغ الغرب والشرق فى خصاله الحميده

نسال الله ان يرزقنى الزوجه الصالحه التى تجيد امتصاص الغضب والسيطره على الموقف

وفى ذاك الزمن انشا الله اسبت لها الرجل العربى خير من الرجل الغربى فى كل شى فى الحياه

نحن فى انتظار اراكم واطروحاتكم الموضوع ماهو هين

واحــــــــــــــــــــــــــــــــــــــــــة أبناء الدويم
[size=21][b][/size][/b]
الرجوع الى أعلى الصفحة اذهب الى الأسفل
فوزي عبد القادر موسى عبد
دويمابي برتبة لواء
avatar

عدد الرسائل : 2478

مُساهمةموضوع: رد: الفرق بين الرجل العربى والغربى فى معاملة المراة   الأربعاء 18 مايو - 0:55


والله يا ود مبروكة.. بادعو ليك من جوة قلبي.. ((( الله يلمّك في أم عيالك )))...

فكّها شوية ياخي.. خلي فيها طرائف وحلمنتيش وما شابه...

كلٌ حسب رؤيته للموضوع.. من رآه جادّاً فليجد.. ومن رآه طريفاً فليطرف...

وأحسن نخلي أخوة المنتدى بين.. "هذا".. مادّي بوزو.. و "ذاك".. فارد خشمو...

لك التحية والتقدير.. أخي الكريم...

واحــــــــــــــــــــــــــــــــــــــــــة أبناء الدويم












فوزي عبد القادر موسى عبد القادر



الرجوع الى أعلى الصفحة اذهب الى الأسفل
سميه قطبي سالم محمد
دويمابي برتبة نقيب
دويمابي برتبة نقيب
avatar

عدد الرسائل : 508

مُساهمةموضوع: رد   الأربعاء 18 مايو - 1:00

شكرا لكما كثيرا لكن زى ماوضح ودمبروكة الناس بتختلف
الرجوع الى أعلى الصفحة اذهب الى الأسفل
Wad Eltagi
دويمابي برتبة ملازم أول
دويمابي برتبة ملازم أول
avatar

عدد الرسائل : 324

مُساهمةموضوع: رد: الفرق بين الرجل العربى والغربى فى معاملة المراة   الأربعاء 18 مايو - 16:32

الموضوع مفيد .... فلنتمسك جميعاً بتعاليم الدين السمحة رجال ونساء فهو الحل لكل مشاكل الحياة ؟؟؟؟؟؟؟؟؟؟؟
الرجوع الى أعلى الصفحة اذهب الى الأسفل
أبوآيه
دويمابي برتبة مقدم
دويمابي برتبة مقدم
avatar

عدد الرسائل : 1150

مُساهمةموضوع: رد: الفرق بين الرجل العربى والغربى فى معاملة المراة   الأربعاء 18 مايو - 17:12

يافوزي هووووووووي لقيتني مافي وبقيت تتكلم ده الشيء الواقع عليك انت بس


قالوا الفيهو حرقص براهو بيرقص أسي في زول سألك ولا جاب سيرتك


الجماعه عفيت منهم أظنك مشتهي العين الحمراء إلا كان ترفعها على الشغاله في البيت


لكن غيرة هي لأ عشان كدي مشتهي تدي ليك واحده عين حمراء


من باب المزاح فقط

أشكركم إخوتي لكم التحيه كل له وجهة نظر نحترمها ونقدرها


ولي عودة على الموضوع الشييق ده

واحــــــــــــــــــــــــــــــــــــــــــة أبناء الدويم
كيف يكون الحال لوماكنت سوداني وأهل الدويم ديل ما أهلي



للتواصل 00966557337102

الإسم على إسكايب wadgdarach


الموقع الإلكتروني wadgdarach@gmail,com
الرجوع الى أعلى الصفحة اذهب الى الأسفل
ودمبروكه
دويمابي برتبة ملازم أول
دويمابي برتبة ملازم أول
avatar

عدد الرسائل : 343

مُساهمةموضوع: رد: الفرق بين الرجل العربى والغربى فى معاملة المراة   الأربعاء 18 مايو - 17:32

ياودالتقى وابوايه مريتو مرور الكرام ما اديتونا حاجه من بيت القصيد ولا خايفين من احم احم

واحــــــــــــــــــــــــــــــــــــــــــة أبناء الدويم
[size=21][b][/size][/b]
الرجوع الى أعلى الصفحة اذهب الى الأسفل
ابوبكر عمر البشرى
المدير العام
المدير العام
avatar

عدد الرسائل : 553

مُساهمةموضوع: رد: الفرق بين الرجل العربى والغربى فى معاملة المراة   الأربعاء 18 مايو - 20:16

صدقتي اختي سمية فالرجل العربي او الشرقي يعتبر مساعدة زوجته في الاعمال المنزلية عيبا و ايما عيبلدرجة ان بعضهم يسخر منه ولربما سمعتي الاهزوجة التي تقولبابا بغسل العدةلكنني ارى ان مساعة الزوجة تحضرا و رقيا

واحــــــــــــــــــــــــــــــــــــــــــة أبناء الدويم


وتلك الأيــــام نداولها بين الناس

الرجوع الى أعلى الصفحة اذهب الى الأسفل
سميه قطبي سالم محمد
دويمابي برتبة نقيب
دويمابي برتبة نقيب
avatar

عدد الرسائل : 508

مُساهمةموضوع: رد   الأربعاء 18 مايو - 21:57

طبعا الرجال بيختلفو والنساء ايضا يختلفن ولكن تبقى المراة السودانية اذا بلغت مابلغت هى التى تقوم بمهام المنزل واظن يادكتور ابوبكر المراة االسودانية لاتحب ان ترى زوجها يعمل بامطبخ بل تحب ان تعمل وتتمنى ان يمدح زوجها طبخها فى الزمن القديم كان اجدادنا يحترمون جدا جداتنا اما فى هذا الزمان فلااادرى معظم اسباب الطلاقات الان من اسبابها الكثيرة عدم احساس البنات بالمسؤلية تجاه الازواج

شكرا لكم جميعا
الرجوع الى أعلى الصفحة اذهب الى الأسفل
فوزي عبد القادر موسى عبد
دويمابي برتبة لواء
avatar

عدد الرسائل : 2478

مُساهمةموضوع: رد: الفرق بين الرجل العربى والغربى فى معاملة المراة   الأربعاء 18 مايو - 22:10


عرفت لي يا أبو آية.. وكشفت حالي.. إكشف حالك...

واحــــــــــــــــــــــــــــــــــــــــــة أبناء الدويم












فوزي عبد القادر موسى عبد القادر



الرجوع الى أعلى الصفحة اذهب الى الأسفل
فوزي عبد القادر موسى عبد
دويمابي برتبة لواء
avatar

عدد الرسائل : 2478

مُساهمةموضوع: رد: الفرق بين الرجل العربى والغربى فى معاملة المراة   الأربعاء 18 مايو - 22:13

ود مبروكة أخوي..

أخونا ود التقي زي حالاتك.. لسع ما دخل المعمعة دي.. مسكين وغلبان.. الله يلمو في بت الحلال.. الهدية والرضية.. اللّمن يكورك ويقول ليها ((يا بت)) تجي جارية.. هي.. وبتّها!!!
أما أخينا.. أبو آية... دا منطبق عليهو المثل البيقوووول: الفيك بدّر بي والعليك إتناسا..

أخوتي الكرام..

في البدء لم أحمل هذا الموضوع محمل الجد.. لذلك هضربت ليكم بعض الهضربات الخفيفة.. أرجو أن تكون قد نزلت على قلوبكم برداً وسلاماً... وعليه فإن رأيي سيأتي لاحقاً..

أعتذر لأختي المكرمة د. سمية.... والأخ المكرم ود مبروكة.. ولكما العتبى حتى ترضيان..

واحــــــــــــــــــــــــــــــــــــــــــة أبناء الدويم












فوزي عبد القادر موسى عبد القادر



الرجوع الى أعلى الصفحة اذهب الى الأسفل
ودمبروكه
دويمابي برتبة ملازم أول
دويمابي برتبة ملازم أول
avatar

عدد الرسائل : 343

مُساهمةموضوع: رد: الفرق بين الرجل العربى والغربى فى معاملة المراة   الأربعاء 18 مايو - 23:03

والله ياحبيبنا ربنا يديم المحبه بيناتنا وانحنا شغالين بى
اختلاف الراى لايفسد للود غضيه عشان كده هضرب ساى
وانحنا من خلفك مهضربون يديك الصحه والعافيه اخى فوزى

واحــــــــــــــــــــــــــــــــــــــــــة أبناء الدويم
[size=21][b][/size][/b]
الرجوع الى أعلى الصفحة اذهب الى الأسفل
فوزي عبد القادر موسى عبد
دويمابي برتبة لواء
avatar

عدد الرسائل : 2478

مُساهمةموضوع: رد: الفرق بين الرجل العربى والغربى فى معاملة المراة   الأربعاء 18 مايو - 23:13


ودا الحاريهو فيكم.. تسلم يا ود مبروكة.. لك التحية والتقدير...

واحــــــــــــــــــــــــــــــــــــــــــة أبناء الدويم












فوزي عبد القادر موسى عبد القادر



الرجوع الى أعلى الصفحة اذهب الى الأسفل
سميه قطبي سالم محمد
دويمابي برتبة نقيب
دويمابي برتبة نقيب
avatar

عدد الرسائل : 508

مُساهمةموضوع: رد   الأربعاء 18 مايو - 23:19

اخى المكرم فوزى شئ من الطرفة والمزاح مطلوب جدا جدا لكسر الرتابة لاعليك لابد من مثل ذلك.................سلمت دائما
الرجوع الى أعلى الصفحة اذهب الى الأسفل
ودمبروكه
دويمابي برتبة ملازم أول
دويمابي برتبة ملازم أول
avatar

عدد الرسائل : 343

مُساهمةموضوع: رد: الفرق بين الرجل العربى والغربى فى معاملة المراة   الأربعاء 18 مايو - 23:32

وسلمت اخى فوزى

لاكن فى ناس ماشيفون جوه علينا
ماسجلو حضور فى البوست فى انتظار

وديوسف وين الشخصيه دى يا اخونه شوفوهو لينا

واحــــــــــــــــــــــــــــــــــــــــــة أبناء الدويم
[size=21][b][/size][/b]
الرجوع الى أعلى الصفحة اذهب الى الأسفل
محمد يوسف موسى
دويمابي برتبة نقيب
دويمابي برتبة نقيب
avatar

عدد الرسائل : 438

مُساهمةموضوع: رد: الفرق بين الرجل العربى والغربى فى معاملة المراة   الخميس 19 مايو - 5:15

الاخوة الكرام وخاصة ود البلد الاصيل ودمبروكة انا واللة الايام دي راسي فاير ومشاغل كثيرة لكن اوعدك الموضوع دة انا عندي فية كلام كثير جدا وعشان ارصيكم بديكم حاجة كدة علي خفيف طبعا المسحيلات السودانية المعروفة سبعة وهي

شايقي ضعيف
رباطابي لطيف
جعلي دمو خفيف
عربي سروالو نظيف
دنقلاوي ما شريف
حلفاوي حافظ المصحف الشريف

وسوداني ماشي مع مرتو مستحيل عيونو مايعينن ويتلفت

ولي عودة وبعدين يا خالة سمية انا عندي معاكي كلام كثير في موضوع الراجل يسوق مرتو المطعم واللة دة مطعم ويا فوزي شوف ليك بلد كلامك دة انا بوصلو بشمارو لي ام احمد وانا في الشمارات اسال مني بت علوب وبعدين يا ابو اية يا اخوي ارجي الراجيك وانا راجع ليكم النفضي شوية من مشاكل النسوان ديل


و

واحــــــــــــــــــــــــــــــــــــــــــة أبناء الدويم
الرجوع الى أعلى الصفحة اذهب الى الأسفل
فوزي عبد القادر موسى عبد
دويمابي برتبة لواء
avatar

عدد الرسائل : 2478

مُساهمةموضوع: رد: الفرق بين الرجل العربى والغربى فى معاملة المراة   الخميس 19 مايو - 14:59



دا كلو منك يا ود مبروكة وأبو آية.. وكمان ما سلمنا منك يا ود التقي..

عملتو لينا دخان..وطق.. وعود.. وشق.. وجبتوا لينا أبو شمارات دا... كلامو سيّح ركبي..

لكن باحاول أصلّح علاقتي مع المَرَة.. وعشان ما تصدق كلامو.. بأجيب ليها بامية وأفركها.. واعوس ليها كسرة كمان..

الله يستر!!!.. نشووف لي حتة أتلم عليها... ولحد ما ألقى.. بانده.. يا بت علوب في حواكي...

واحــــــــــــــــــــــــــــــــــــــــــة أبناء الدويم












فوزي عبد القادر موسى عبد القادر



الرجوع الى أعلى الصفحة اذهب الى الأسفل
ودمبروكه
دويمابي برتبة ملازم أول
دويمابي برتبة ملازم أول
avatar

عدد الرسائل : 343

مُساهمةموضوع: رد: الفرق بين الرجل العربى والغربى فى معاملة المراة   الخميس 19 مايو - 17:45

والله يافوزى الله يجيب العواقب سليمه وانا بتوصط ليك لى وديوسف مااوصل الشمار

طلتك خفيفه وظريفه لاكن كنا طمعانين فى الكتير منك

واحــــــــــــــــــــــــــــــــــــــــــة أبناء الدويم
[size=21][b][/size][/b]
الرجوع الى أعلى الصفحة اذهب الى الأسفل
أبوآيه
دويمابي برتبة مقدم
دويمابي برتبة مقدم
avatar

عدد الرسائل : 1150

مُساهمةموضوع: رد: الفرق بين الرجل العربى والغربى فى معاملة المراة   الخميس 19 مايو - 22:49

ههيع هيع هيع هيع قال إحم إحم


وين ياود مبروكه إنت قايلني من نوع إحم إحم


دي عندها ناسها قاعديييييين بيسمعوا في كلامك ده

واحــــــــــــــــــــــــــــــــــــــــــة أبناء الدويم
كيف يكون الحال لوماكنت سوداني وأهل الدويم ديل ما أهلي



للتواصل 00966557337102

الإسم على إسكايب wadgdarach


الموقع الإلكتروني wadgdarach@gmail,com
الرجوع الى أعلى الصفحة اذهب الى الأسفل
ودمبروكه
دويمابي برتبة ملازم أول
دويمابي برتبة ملازم أول
avatar

عدد الرسائل : 343

مُساهمةموضوع: رد: الفرق بين الرجل العربى والغربى فى معاملة المراة   الخميس 19 مايو - 23:08

انته قاصد زول يا ابوايه قولو عديل مافى داعى لى اللفه الطويله دى

ادينى ليه من الاخر كده وانشا الله يكون الزول الفى بالى

واحــــــــــــــــــــــــــــــــــــــــــة أبناء الدويم
[size=21][b][/size][/b]
الرجوع الى أعلى الصفحة اذهب الى الأسفل
سميه قطبي سالم محمد
دويمابي برتبة نقيب
دويمابي برتبة نقيب
avatar

عدد الرسائل : 508

مُساهمةموضوع: رد   الجمعة 20 مايو - 18:40

معقول بس يامحمد يوسف كده مرات مابتسوق المدام تعشيها كده هى وناس يوسف برة البيت
الرجوع الى أعلى الصفحة اذهب الى الأسفل
كوثر علوب
دويمابي برتبة نقيب
دويمابي برتبة نقيب


عدد الرسائل : 369

مُساهمةموضوع: رد: الفرق بين الرجل العربى والغربى فى معاملة المراة   السبت 21 مايو - 1:23

التحيه للجميع
اوافق الدكتوره سميه فى كل ما ذكرت للاسف الشديد نحن العرب نخفى دائما المشاعر الطيبه ونظهر السيئه لذلك الزواج عند العرب رتيب وممل لا نغيير ولا حتى كلمات حلوه متبادله ولااعمم ولكن الغالب دائما هو الجمود فالمرأه عند الرجل العربى او السودانى هى ماكينه للعمل داخل البيت والانجاب وتربيه الاولاد من غير ان تبدى تعب
الرجوع الى أعلى الصفحة اذهب الى الأسفل
محمد يوسف موسى
دويمابي برتبة نقيب
دويمابي برتبة نقيب
avatar

عدد الرسائل : 438

مُساهمةموضوع: رد: الفرق بين الرجل العربى والغربى فى معاملة المراة   السبت 21 مايو - 7:23

واللة يا جماعة انا خايف منكم تقولو علي شقي ومجنون بي احتصار كدة المراة السودانية بديك احساس انت متزوج ليك راجل عديل كدة يعني انحنا معرسين اولاد عمنا وانا اقصد في الحتة دي وبدون ما انتو تخلو عقولكم تمشي لي بعيد المراة السودانية بتحاول تفرض شخصيتا علي الراجل اكثر من الاهتمام بة ودي المصيبة الكبري واغلبية الرجال تلقاهم بخافو من نسوانن والواحد بحاول يرضي مرتو بي طريقة ودي الرجالة القاصدا انا في المراة السودانية يعني انحنا معرسين اولاد عمنا واولاد خالتنا واولاد عمتنا ولا سشنو يا ابو اية وفوزي وخليك شاهد يا ود مبروكة انت سبب البلاوي دي كلها

واحــــــــــــــــــــــــــــــــــــــــــة أبناء الدويم
الرجوع الى أعلى الصفحة اذهب الى الأسفل
محمد يوسف موسى
دويمابي برتبة نقيب
دويمابي برتبة نقيب
avatar

عدد الرسائل : 438

مُساهمةموضوع: رد: الفرق بين الرجل العربى والغربى فى معاملة المراة   السبت 21 مايو - 7:49

كوثر علوب كتب:
التحيه للجميع
اوافق الدكتوره سميه فى كل ما ذكرت للاسف الشديد نحن العرب نخفى دائما المشاعر الطيبه ونظهر السيئه لذلك الزواج عند العرب رتيب وممل لا نغيير ولا حتى كلمات حلوه متبادله ولااعمم ولكن الغالب دائما هو الجمود فالمرأه عند الرجل العربى او السودانى هى ماكينه للعمل داخل البيت والانجاب وتربيه الاولاد من غير ان تبدى تعب
يا كوثر في فرق كبير جدا بين فلب لالرجل وفلب المراة في التفكير
الفارق الأساسي بين عقليهما:
عقــل الرجــل مكــون من صــناديق محكمــة (الإغلاق) وغير (مختلطة)
هنـاك صــندوق السـيارة .. وصنــدوق البيت ..وصنــدوق الأهل.. وصنــدوق العمل
وصنــدوق الأولاد .. وصنــدوق الأصــدقاء.. وصنــدوق..............الخ.)

وإذا أراد الرجـل شــيئا .. فإنه يذهب الى هذا الصنـدوق ويفتحه.. و (يركـز فيه
وعنـدما يكون داخل هذا الصنـدوق.. فإنه لا يرى شـيئا خارجه..
وإذا إنتهى .. أغلقـه بإحكــام.. ثم شرع في فتح صنـدوق آخر..... وهكذا....!!

وهذا.. هو ما يفسر أن الرجل عنـدما يكون في عمله.. فإنه لا ينشـغل بما تقوله زوجته
عما حـدث للأولاد
وإذا كان يصلح سـيارته.. فهو أقل إهتماما بما يحدث لأقاربه..
وعندما.. يشـاهد مباراة كرة قدم.. فهو لا يهتم كثيرا بأن الأكل على النار يحترق
أو أن.. شخصا ما ينتظر على الباب من عدة دقائق ينتظر إذن الدخول

عقـــــل المـــــراة.. شــيء آخـــــر
إنه مجمــوعة من النقــاط الشـبكية المتقاطعة والمتصلة جميعها في نفس الوقـت
والنشـــطة دائما
كل نقطـة متصــلة بجميــع النقــاط الأخرى.. مثل صفحة مليئة بالروابط
على شـــبكة الإنترنـت
وبالتالي .. فهي يمكن أن
تطبــخ.. وهي ترضــع صــغيرها.. وتتحدث في التليفون.. وتشاهد المسلسل
في وقــــت واحـــــد ...!!!!
ويســتحيل على الرجل - في العادة - أن بفعل ذلك..!!

كما.. أنها يمكن أن تنتقل من حالة الى حالة.. بسرعة ودقة.. ودون خسـائر كبيرة
ويبـدو هـذا واضحـا في حــديثها
فهي.. تتحـدث عما فعلتـه بها جارتها.. ما قالتـه لها حماتها..ومستوى الأولاد الدراسي..
ولون ومواصفات الفستان الذي سترتديه في حفلة الغد.. ورأيها في الحلقة الأخيرة
( لعمرو خالد).. وعـدد البيضات في الكيكة..
كل ذلك في مكالمة تلفـونية ( واحــــدة ) .....!!!
أو ربما في جمـلة واحــدة .. وبســـلاسة متناهيـة..!!
وبـدون أي إرهــاق عقــلي..!!
وهو .. ما لا يســتطيعه أكثر الرجـال إحتــرافا وتدريبــا ...!!

الأخطــــر... أن هــذه الشــبكة المتنــاهية التعقيــد.. تعمل دائما.. ولا تتوقف عن العمل
حتـى .. أثنــاء النــوم..!!
لذلــك نجــد أحــــلام المــرأة.. أكثـر تفصــيلا من أحــلام الرجــال...!!!


( برضــو.. يقولوا( ليس أنا).. عقــل المرأة صــغير)..!!


واحــــــــــــــــــــــــــــــــــــــــــة أبناء الدويم
الرجوع الى أعلى الصفحة اذهب الى الأسفل
ياسر رحمه عبدالغني
دويمابي جندي
دويمابي جندي


عدد الرسائل : 15

مُساهمةموضوع: رد: الفرق بين الرجل العربى والغربى فى معاملة المراة   السبت 21 مايو - 13:34

السلام عليكم موضوع جميل واسمحوا للواحد ينفعل شويه
اولا الغربيين بعيشوا بعد ولادة طفل طفلين بعد داك الزواج ودى ماعندناوالحمد لله
بناتنا مهما تعلمن برضوا فى تاريخ شفاهى من حبوباتنا بنقلوا معاهن فى مرحلة الزواج زى الطقوس والكل عارفها شى منها فينيقى وشى بابلى وشى فرعونى وشى مروى وحتى من الجاهليه نسوانا كانن بسونه(الرماد فى البكاء وكتيح التراب) فى بعض القرى موجوده السودان كبير ما بنظلم حد لكن كل مجتمع مصاب بالتشتت وله بذلك مقباس بمدى تعلم المراة مش الاكاديمى بل الحياتى؟
هل نتفق ان البنت حتى موعد زفافها لاتعرف عن الحياه القادمه اى شى بل كلها بالنسبه لها مفاجئات فقط التجهيزات الاوليه للزواج من حفل وصديقات وبعض ما نعرفه كلنا عن الزواج؟
المطلوب اولا الوقوف الصارم فى ايقاف العادات الضاره قى تنشئة البنت والكل يعلم ماانا اتحدث عنه؟
بناتنا بيروا التفقه فى الدين نوع من الانزواء الى طائفه دينيه معينه وهذا يحب عنهن ابسط مااعطاهن الشرع بعد دا كلوا نصيب المراة فى المشاركه الاجتماعيه والسياسيه مافى امراة فى الوطن العربى وجد ماوجدته نسائنا بقا هن عليهن ان يجلسن فى المجلس لاصدار التشريع المناسب لحياتهن وكل مايتعلق
الرجوع الى أعلى الصفحة اذهب الى الأسفل
ودمبروكه
دويمابي برتبة ملازم أول
دويمابي برتبة ملازم أول
avatar

عدد الرسائل : 343

مُساهمةموضوع: رد: الفرق بين الرجل العربى والغربى فى معاملة المراة   السبت 21 مايو - 17:06

تحيه خاصه لكل الاحباب الذين حضرو لى البوست لمناقشة الموضوع الحساس والادلال بى اوجه انظارهم

فانا بحكم انى متابع للموضوع بشكل عام وخاص اراء ان بعض الاخوه اراهم ليس واضحه بالحد المطلوب

يعنى ذى ماتقول عصى نايمه وعصى قايمه ذى واحد اخونا كده مابقول اسمو لاكن حرفه الاول بيبد بى

محمد يوسف واخرون اراهم ماواضحه انحنا عايزين كلام واضح فى الفرق بين الرجل الغربى والعربى

والمراه العربيه والغربيه .

هل الرجل الغربى افضل سلوكا واخلاقا من الرجل العربى.؟

هل المراه الغربيه قادره على ان تجعل الرجل الغربى جدير بى الاهتمام به لحد القول

هل المراه العربيه فشلت فى ان تجعل الرجل العربى يعيره الاهتمام الذايد لحد القول

ام ان المشكله تكمن فى شخصية الرجل العربى

ام انها تكمن فى حواء العربيه

دعوه للحوار الحر النزيه والادلال بالاراء الواضحه دون التحيز

واحــــــــــــــــــــــــــــــــــــــــــة أبناء الدويم
[size=21][b][/size][/b]
الرجوع الى أعلى الصفحة اذهب الى الأسفل
ودمبروكه
دويمابي برتبة ملازم أول
دويمابي برتبة ملازم أول
avatar

عدد الرسائل : 343

مُساهمةموضوع: رد: الفرق بين الرجل العربى والغربى فى معاملة المراة   السبت 21 مايو - 17:13

محمد يوسف موسى كتب:
واللة يا جماعة انا خايف منكم تقولو علي شقي ومجنون بي احتصار كدة المراة السودانية بديك احساس انت متزوج ليك راجل عديل كدة يعني انحنا معرسين اولاد عمنا وانا اقصد في الحتة دي وبدون ما انتو تخلو عقولكم تمشي لي بعيد المراة السودانية بتحاول تفرض شخصيتا علي الراجل اكثر من الاهتمام بة ودي المصيبة الكبري واغلبية الرجال تلقاهم بخافو من نسوانن والواحد بحاول يرضي مرتو بي طريقة ودي الرجالة القاصدا انا في المراة السودانية يعني انحنا معرسين اولاد عمنا واولاد خالتنا واولاد عمتنا ولا سشنو يا ابو اية وفوزي وخليك شاهد يا ود مبروكة انت سبب البلاوي دي كلها


والله ياود يوسف كدى نشوفه بتصل لحد وين بعدين ياود يوسف

الموضوع ده ماحقى ده حق الخاله والدكتوره سميه يعنى انا ما السبب

من باب المزاح خاله سميه ماتاخدى فى بالك

واحــــــــــــــــــــــــــــــــــــــــــة أبناء الدويم
[size=21][b][/size][/b]
الرجوع الى أعلى الصفحة اذهب الى الأسفل
فوزي عبد القادر موسى عبد
دويمابي برتبة لواء
avatar

عدد الرسائل : 2478

مُساهمةموضوع: رد: الفرق بين الرجل العربى والغربى فى معاملة المراة   السبت 21 مايو - 17:34


أخوتي الكرام المكرمون

بما أن المشارب قد تعددت.. فقد آثرت أن أدلو بدلوي في هذا الموضوع الشيق المتشعب .. علّ بعضكم يرتشف من ما أرجو أن يكون زلالاً.

كما نعلم جميعاً.. فإن فترة السبعينات من القرن الماضي.. قد شهدت تحولاً في كل المجتمع السوداني.. وذلك بفتح باب الهجرة إلى خارج أرض الوطن.. أو ما يعرف بالاغتراب... حيث لم يكن ذلك الباب معروفاً إلا لأهلنا في الشمالية.. حيث كانت هجرتهم إلى مصر وبعض الدول العربية.. حسب ما درسنا في جغرافيا المرحلة الأولية آنذاك..

حسب اعتقادي.. لم تتغير عادات وتقاليد المهاجر أو المغترب السوداني.. ولكن حدثت بعض التغييرات في سلوكياته وأنماط معيشته.. فقبل هجرته.. كان يعتمد في أكله وشربه وترتيب بيته أو غرفته على أمه أو أخته أو زوجته... غير أنه في غربته.. وجد نفسه يخدم نفسه.. وإذا كان يعيش مع "عزابة" فإنه يتعاون معهم في خدمة المجموعة.. ورويداً رويداً.. اكتسب بعض المهارات.. مثل الطبخ.. وغسيل الملابس وكيها.. وتنظيف الغرفة وتريبها.. وفرش الملايات.. وتنظيف المطبخ والعِدة وخلافه... بل إن بعضاً ممن هاجر بأسرته قد واجه بعض الظروف التي اضطرته لأن يفعل مثلما فعل العزابي مما ذكرته أعلاه.. ويزيد عليه بأن يقوم يإحمام أطفاله.. وتغسيلهم.. وتغيير حفاظاتهم.. والتسريح لبناته... وقد شاهدت ذلك بأم عيني والله..... وتغيير مثل هذا.. قطعاً لا بد أن ينعكس إيجابياً على الفرد أو الأسرة.. فتجد الترابط والمودة والتراحم.. ودائماً ما يكون ذلك مُلاحَظاً عند عودة الفرد أو الأسرة إلى الوطن.

أخوتي الكرام..

لا أطيل عليكم.. ولكن أقول.. نحن بنعزك يا زولة.. يا بت البلد.. يا الأصيلة.. بنحترمك ونقدرك.. بمثل ما وقفتِ معانا وقت الحلوة والمحن.. بنريدك.. وشايلنك جوة في عينينا.. وما ينبدلك بأجنبية.. كان جدّينا أو هترشنا.. و... بهذا أكتفي.

لكم جميعاً الشكر والتحية...

واحــــــــــــــــــــــــــــــــــــــــــة أبناء الدويم












فوزي عبد القادر موسى عبد القادر



الرجوع الى أعلى الصفحة اذهب الى الأسفل
سميه قطبي سالم محمد
دويمابي برتبة نقيب
دويمابي برتبة نقيب
avatar

عدد الرسائل : 508

مُساهمةموضوع: رد   السبت 21 مايو - 19:28

d]]باين لى كلامى اخى فوزى هوده الحاصل نفس القالو و استاذ فوزى هو ماذكرته احدى صديقاتى تقوال انها وزجها فى الغربة سمن على عسل اول ماتجى السودان المشاكل ينكثر ومعظمها نتيجة لتدخل الناس الكثير ومعظم اسرنا السودانية لاعكر صفوها سوى تذخل الاقارب فالمراة تحب دائما الاستقرار ولكن عند تدخل الاقارب من الجهتين حينذاك تحدث المشاكل فمشكلة المراة السودانية الاحساس بالامان مع الرجل وهذا هوفرقنا منا لاجناس الاخرى ويس كل الرجا ل بذلك الفهم حكت لى صديقتى بان زوجها يغضب غضبا شديدا عندما تقول انها مريضة***********[/b]
الرجوع الى أعلى الصفحة اذهب الى الأسفل
فوزي عبد القادر موسى عبد
دويمابي برتبة لواء
avatar

عدد الرسائل : 2478

مُساهمةموضوع: رد: الفرق بين الرجل العربى والغربى فى معاملة المراة   الأحد 22 مايو - 1:24


بصفة عامة.. تكمن المشكلة أساساً في النشأة منذ الصغر.. إذ لم يتم تربيتنا .. نحن كمجتمع سوداني.. على الوضوح في التعامل.. سواءً مع الأسرة.. أو المجتمع... وأننا ننقاد دائماً لمن هم أكبر منا سناً.. ونعتبر هذا الانقياد احتراماً... لذا نشأنا على الانقياد.. ولم ننشأ على القيادة.

ما زلت أذكر.. أختي الكريمة.. ذلك اليوم.. من عام 1982م في فندق إنتركونتننتال بود مدني.. حيث قضينا شهر العسل... في تلك الأمسية.. رسمت في خط مستقيم.. الخطوط العريضة لخطة مسار حياتنا... 3 دوائر في شكل "كيمان"... أوضحت لحرمنا المصون أن الكوم الوسط هو كياننا المستقبلي.. بيتنا.. أسرتنا... وأن الكومين الآخرين لأسرتينا.. يدخل أحدنا في دائرة أسرته دون تدخل من الآخر.. وتدخل إحدى الدوائر أو كلاهما في دائرتنا لكن.. دون تدخل في أمور دائرتنا الخاصة... وبعد أن رجعنا من شهر العسل.. أوضحت لأمي.. ألف رحمة من الله تعالى عليها.. وكذلك خالتي أم زوجتي.. بطريقة مبسطة ومسلية ودون أن يترك أثراً لزعل أو حساسية.. تفاصيل دوائر الكيمان.. وتعهد الطرفان على عدم التدخل بأي حال من الأحوال..... وباختصار شديد.. ما زلنا نعيش حياتنا كما نشتهي.. مع احتفاظنا وارتباطنا الوثيق بثالوث الكيمان.

أخوتي الكرام.. الحياة مليئة بالتجارب رغم قصرها.. وحلاوتها في استخلاص دروسها... وحينما تنصّب نفسك قائداً وتخوض غمار التجربة.. تكون للآخرين قدوتها..

لكم التحية.. أخوتي الكرام...

واحــــــــــــــــــــــــــــــــــــــــــة أبناء الدويم












فوزي عبد القادر موسى عبد القادر



الرجوع الى أعلى الصفحة اذهب الى الأسفل
سميه قطبي سالم محمد
دويمابي برتبة نقيب
دويمابي برتبة نقيب
avatar

عدد الرسائل : 508

مُساهمةموضوع: رد   الأحد 22 مايو - 1:49

[b]شكرا استاذى فوزى كما قلت الاشياء تختلف والناس طبايع مختلفة ويعتمد نجح الحياة على قائد السفينة وهنو الذى يستطيع تسيير الدفة الى شاطئ االامان باحترامه لاسرته [color=red]كان زوجى رحمة عليه يقول بيتك مملكتك افعلى فيه ماتشائين لااحد يملى عليك شئ[ دون الاخلال بعلاقتك مع الاهل من الطرفين
الرجوع الى أعلى الصفحة اذهب الى الأسفل
فوزي عبد القادر موسى عبد
دويمابي برتبة لواء
avatar

عدد الرسائل : 2478

مُساهمةموضوع: رد: الفرق بين الرجل العربى والغربى فى معاملة المراة   الإثنين 23 مايو - 0:18

شكراً أختي الكريمة د. سمية.... وكما تعلمين فإن قيادة الأسرة تحتاج إلى تقارب لصيق.. وتفاهم وتعاون عميق بين كل أفراد الطاقم.. عشان تصل السفينة إلى بر الأمان.. وأعتقد أنه في بداية الرحلة.. يكون العبء الأكبر على الزوجة.. في تهيئة البيت.. ورعاية الأطفال.. والاستذكار ومتابعة واجباتهم الدراسية وووو..... كان الله في عون الزوجة... ولك التحية والتقدير...

واحــــــــــــــــــــــــــــــــــــــــــة أبناء الدويم












فوزي عبد القادر موسى عبد القادر



الرجوع الى أعلى الصفحة اذهب الى الأسفل
 
الفرق بين الرجل العربى والغربى فى معاملة المراة
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات ابناء الدويم :: ام النصر العوض منتدى الاسرة-
انتقل الى: